Blog

VenSet22

O Encontro de Emprendemento inaugurouse esta mañá con grandes novidades no espazo central, actividades en distintos puntos da cidade e un Laboratorio Creativo de Fabricación Dixital aberto a toda a cidadanía.

 

Esta mañá a carpa do Pont-Up Store volveu a instalarse na Praza de España da cidade de Pontevedra para converterse durante dous días no encontro de referencia de apoio ao emprendemento galego e divulgación da cultura emprendedora. Ao acto de ianuguración oficial asisitiron representantes das institucións, entidades e empresas que apoian o encontro nun exemplo de colaboración que en palabras do alcalde de Pontevedra, Miguel Anxo Fernández Lores, ‘é a nosa responsabilidade, cooperar para axudar ás persoas que emprenden a innovar, a xerar emprego e riqueza económica’. O rexedor tamén afirmou que o Concello de Pontevedra está aberto á ampliación do evento para acoller tamén a emprendementos do resto do Estado e de Portugal. José Luis Ramírez de ABANCA comprometesse coe evento e anunciou que a entidade está a punto de lanzar novos produtos e servizos para dar resposta ás demandas do ecosistema emprendedor e conseguir que as ideas se transformen en empresas viables nun corto período de tempo. Nesta mesma liña falaron o Xerente de Alianzas Estratéxicas de R, Alberto Costas Ramos, que presentou un programa de apoio ao emprendemento dirixido á mocidade; e Guillermo Viña González, Xerente de IGAPE Nova, que anunciou un novo servizo de préstamos vinculados directamente a iniciativas emprendedoras a través da Lei de Fomento do Emprendemento. Dolores González Álvarez, Vicerreitora de Estudantes da Universidade de Vigo, afirmou que Pontevedra é estes días a vanguarda do emprendemento galego que se está comprovando que chega desde todos territórios, tanto rural como urbano, e desde calquera âmbito e sector empresarial; e quixo destacar o traballo realizado desde a preincubadora do programa INCUVI Emprende, de onde saíron empresas que xa teñen participado no Pont-Up Store e que continúan imparables a súa expansión como MONET VITICULTURA que esta tarde formará parte do selecto grupo de escoitantes do PUNTAZO EXPRÉS.

Pola súa parte o director do encontro, Pedro Figueroa, assegurou que ‘esta edición é un paso decisivo na consolidación do Pont-Up como espazo de emprendemento froito da cooperación de máis de 35 organizacións e entidades públicas e privadas, do traballo voluntario do profesorado, o alumnado e o persoal da Universidade de Vigo’. Figueroa resaltou que os 40 emprencdementos que van ter presenza no Pont-Up Store foron seleccionados entre 120 candidaturas chegadas de toda Galicia, e ‘dan unha mostra da creatividade e a innovación que existe no país e a constatación de que Galicia ten un futuro prometedor e moita ‘Xente que se atreve a soñar’ como reza o noso lema desta edición’. O director do encontro engadiu que xunto a este escaparate de empresas aorganziación programou máis de 40 actividades que ofrecen unha oportunidade para a formación e a aprendizaxe para as persoas emprendedoras actuais e potenciais, para profesionais, mocidade e familias que se queren aproximar ao mundo do emprendemento.

Neste sentido, a primeira xornada do encontro contou con visitas de distintos centro de ensino de secundaria da provincia de Pontevedra, como reflexo da alianza que nesta edición se intentou establecer co mundo do ensino para fomentar na xente nova o espíritu emprendedor. A actividade protagonista desta nova liña de traballo é Pontevan: FP na rúa, un aula de cociña móbil creada entre catro centros de ensino público de Pontevedra. (CIFP Carlos Oroza, CIFP A Xunqueira, IES Frei Martín Sarmiento e IES Montecelo e conta tamén coa colaboración da Universidade de Vigo-Quantum Automotive- CimaLab) que vai achegar a Formación Profesional á rúa e mostrar un proxecto co que o alumnado aprende a innovar, neste caso renovando o concepto de FoodTruck cun vehículo de comida san e de calidade. Esta actividade enmárcase dentro do novo espazo de degustación na que tamén estarán as empresas PRECOALVI, coas súas croquetas gorumet, e BICO DE XEADO, transformando con moita creatividade un problema como o exceso de cota leiteira nun produto de valor engadido como é o xeado artesano procedente ademais dunha empresa de economía social, a Cooperativa Agraria Provincial da Coruña.

Durante toda a xornada sucederanse actividades programadas pola organización e os colaboradores en distintos emprazamentos da cidade, e outras organizadas polos propios proxectos de emprendemento dentro da carpa do evento. Haberá tamén sesións orientadas a seguir unindo e aumentando a gran comunidade de persoas vinculadas ao emprendemento, creada ao longo destas catro edicións e que agrupa xa a máis de 200 participantes baixo o nome de MOVEMENTO UP.

Continúa tamén aberto o Laboratorio Creativo de fabricación dixital e impresión 3D que esta tarde presentará a solución impresa xenerada a partir do obradoiro ‘Fabricando Cidade’ que comezou o mércores; e acollerá o obradoiro ‘Educación, Familia e Tecnoloxía dirixida a docentes e familias, e o taller de robótica Crea R cunha proposta de emprendemento para os maís novos. Ademais, no marco da reunión da comunidade WordPress en Pontevedra (‘Meetup’) vaise organizar a actividade Emprende con Wordpress con diferentes obradoiros para achegar WordPress a calquera que teña interese mostrando casos de xente emprendedora que explicarán como empregaron WordPress crear o seu negocio/proxecto.

 

Puntazo Exprés
A actividade estrela deste venres será sén dúbida o Puntazo Exprés. A partir das 19 horas, no Museo de Pontevedra, 10 emprendementos terán a oportunidade de explicar en 5 minutos o seu emprendemento a 5 importantes empresas e entidades galegas. Entre os escoitantes desta edición estarán, entre outros, Juan Vázquez Gancedo Director Xeral de Bodegas Martín Códax e Presidente do Clúster Alimentario de Galicia; Begoña Ocampo, socia fundadora da cadea de restaurantes La Pepita Burguer Bar; Débora Franco de Vázquez de Monet Viticultura; Xavier Castaño, da consultora Internacional de Proxectos Tecnolóxicos, Igalia; e Isabel Rodríguez Blanquer, directora de operacións da empresa especializada en produtos culturais para a infancia, El Faro de los Tres Mundos.

 

Actividades para mañá sábado
Seguindo coa idea de inculcar o espírito emprendedor desde idades moi temperás, o sábado está programada a segunda edición da Xincana Bike orientada a desenvolver a iniciativa, o traballo en equipo e a cooperación entre nenas e nenos ata 14 anos. A proba divídese en 5 zonas cada unha cunha temática marcada e relacionada coa filosofía de emprendemento do Pont-Up Store. O mentoring, unha das novidades do programa, terá o seu espazo pola tarde. A Fundación Ronsel presentará no Liceo do Casino o Proxecto Youth Business Spain mentres a Asociación Española de Mentoring (AMCES) propón a conferencia “Mentoring como clave do éxito no emprendemento” seguida dunha mesa redonda arredor da importancia de contar cun acompañamento profesional no proceso do emprendemento.

O programa de actividades de dinamización no espazo central da carpa contará mañá con propostas como unha innovadora sesión de bionetworking organizada por BIOFUSIÓNATE na que se emprengará a intuición e o xogo para obter información útil na nosa empresa; unha cata de cervexas artesá da marca MEIGA; un obradoiro de KIARE INNOVARTE FLORAL no que aprender a arte floral dos kokedamas.

 

 

Saúdos.
Comunicación | Marián Fernández | Este enderezo de correo está a ser protexido dos robots de correo lixo. Precisa activar o JavaScript para velo. | 650579208

 

XovSet21

O encontro de emprendemento máis importante de Galicia inaugura mañá a súa cuarta edición

 

Trala xornada previa de hoxe con actividades repartidas por toda a cidade e o FAB LAB a pleno rendemento, o IV PONT-UP STORE abre mañá oficialmente a súa carpa aos mellores emprendementos galegos cun programa cualitativa e cuantitativamente moi superior ao das anteriores edicións, que o posiciona como a principal referencia para emprender en Galicia.

 

Mañá abrirá as súas portas a carpa instalada na Praza de España onde ademais de coñecer os 37 proxectos emprendedores seleccionados para ocupar os stands, o público poderá participar nas actividades de dinamización propostas polos emprendedores. Ás 11:30 está previsto o acto oficial de inauguración con representantes das administracións e os patrocinadores implicados, que realizarán unha visita ao recinto do Pont-Up Store para coñecer as propostas de emprendemento; e a continuación achegaranse a palpar o ambiente crativo do Fab Lab instalado na Facultade de Belas Artes.

Esta edición volve a consolidar a Pont-Up Stpre como o escaparate de emprendementos de referencia en Galicia. Esta vai ser unha edición diversa, innovadora, moi creativa e tamén sostible, cunha alta porcentaxe de propostas que buscan mellorar a vida das persoas desde distintos ámbitos (listado descritivo adxunto). Algunhas destas empresas ofrecerán tamén un programa de actividades de dinamización no espazo central da carpa con propostas como unha innovadora sesión de bionetworking organizada por BIOFUSIÓNATE na que se emprengará a intuición e o xogo para obter información útil na nosa empresa; unha cata de cervexas artesá da marca MEIGA; un obradoiro de KIARE INNOVARTE FLORAL no que aprender a arte floral dos kokedamas; un achegamento en familia ao mundo do álbum ilustrado empregando as nosas vivencias persoais proposto por PLANO PEMENTA; e laboratorios dinámicos de creación cultural e artística de economía social cos que a REDE EUSUMO quere promover a arte a a cultura entre os nenos e nenas desde a perspectiva da economía social, unha abordaxe que tamén estará presente no Encontro Networking da Economía Social organizado pola Consellería de Economía, Emprego e Industria.

 

Primeira xornada a tope de actividade
Na programación destacan as propostas e a implicación de case 40 organizacións involucradas con actividades plantexadas en 12 localizacións diferentes da cidade e arredor de 100 expertos impartindo conferencias, xornadas e obradoiros. A xornada previa de hoxe serviu para quecer motores e recibir aos primeiros emprendedores como público de charlas e encontros en distintos espazos da cidade. A mañá comezou cun ‘Encontro Networking de Economía Social’ na Casa das Campás onde os emprendedores que traballan desde fórmulas como a cooperativa tiveron a oportunidade de manter charlas bis a bis con directivos de entidades como ABANCA ou os GRUPOS DE ACCIÓN LOCAL PESQUEIRA. Entre outras conclusións, lanzouse a demanda de que a administración pública aplique os criterios da economía social nas súas compras, convocatorias e concursos de servizos. Ademais presentouse un directorio de economía social que está sendo elaborado desde o Concello de Pontevedra.

Tamén pola mañá, AJE Pontevedra impartiu na súa sede un ‘Seminario de Marketing dixital e Social Media’; mentres que a Cámara de Comercio plantexou durante a tarde dúas propostas: por un lado casos de éxito impulsados desde a propia Cámara para fomentar e apoiar o emprendemento; e por outra as ‘Oportunidades de financiamento para Emprendedores en Europa’ a través do programa ‘Erasmus para Emprendedores’ que permite a mobilidade e o intercambio de coñecementos con empresarios experimentados en Europa. A Deputación de Pontevedra, pola súa parte, ofrece formación sobre posicionamento SEO a través do obradoiro ‘imos chamar á porta dos teus clientes’, que se celebrou na Aula CEMIT do seu edificio administrativo. A xornada finalizou cun encontro de ‘Familias Creativas’ organizado polo Equipo Sequoia, que mensualmente promove reunión entre persoas en busca de emprego, emprendedoras ou con empresas, coa finalidade de crear rede, compartir coñecementos e intercambiar experiencias para evolucionar en grupo.

 

Actividades para mañá venres
Entre as actividades programadas para mañá, ABANCA propón a sesión de formación exprés ‘Preparado para o investimento? O que debes saber de finanzas para montar a túa empresa’. O mentoring será unha das novidades do programa. A Fundación Ronsel presentará o sábado o Proxecto Youth Business Spain mentres a Asociación Española de Mentoring (AMCES) propón a conferencia “Mentoring como clave do éxito no emprendemento” seguida dunha mesa redonda arredor da importancia de contar cun acompañamento profesional no proceso do emprendemento.

O Laboratorio Creativo de fabricación dixital e impresión 3D presentará a solución impresa xenerada a partir do obradoiro ‘Fabricando Cidade’ que comezou o mércores. Dentro das actividades que se desenvolverán mañá neste espazo o obradoiro ‘Educación, Familia e Tecnoloxía e o taller de robótica Crea R cunha proposta de emprendemento para os maís novos. Ademais, no marco da reunión da comunidade WordPress en Pontevedra (‘Meetup’) vaise organizar a actividade Emprende con Wordpress con diferentes obradoiros para achegar WordPress a calquera que teña interese mostrando casos de xente emprendedora que explicarán como empregaron WordPress crear o seu negocio/proxecto.

 

O emprendemento no ensino
Unha das grandes apostas deste ano é establecer alianzas co ensino para levar ás aulas o espírito emnprendedor do PONT-UP e servir de escaparate para mostrar proxectos innovadores como Pontevan: FP na rúa, un aula de cociña móbil creada entre catro centros de ensino público de Pontevedra (CIFP Carlos Oroza, CIFP A Xunqueira, IES Frei Martín Sarmiento e IES Montecelo e conta tamén coa colaboración da Universidade de Vigo-Quantum Automotive- CimaLab). Os alumnos e alumnas proporán durante dous días unha oferta gastronómica con catro variedades de bocadillos de autor elaborados con produtos da horta do oroza e materias primas galegas de primeira calidade. Mañá venres ás 12:30 presentarán o proxecto na Facultade de Belas Artes apadriñados polo recoñecido foodtrucker Hermes Castro, toda unha isntitución no circuito profesional de comida saudable e gourmet coa súa foodtruck 'Hermes´Journey'.

 

Puntazo Exprés
A última hora da tarde (19-21) terá lugar no sexto edificio do Museo de Pontevedra, a actividade estrela da xornada: o Puntazo Exprés, onde 10 emprendementos terán a oportunidade de explicar en 5 minutos o seu emprendemento a 5 importantes empresas e entidades galegas. Entre os escoitantes desta edición estarán, entre outros, Juan Vázquez Gancedo Director Xeral de Bodegas Martín Códax e Presidente do Clúster Alimentario de Galicia; Begoña Ocampo, socia fundadora da cadea de restaurantes La Pepita Burguer Bar; Débora Franco de Vázquez de Monet Viticultura; Xavier Castaño, da consultora Internacional de Proxectos Tecnolóxicos, Igalia; e Isabel Rodríguez Blanquer, directora de operacións da empresa especializada en produtos culturais para a infancia, El Faro de los Tres Mundos.

 

 

Saúdos.
Comunicación | Marián Fernández | Este enderezo de correo está a ser protexido dos robots de correo lixo. Precisa activar o JavaScript para velo. | 650579208

 

LunSet18

Esta fin de semana o Pont-Up Store abre por primeira vez o seu espazo a iniciativas emprendedoras xurdidas no ámbito do ensino, co obxectivo de contribuír a espertar nos máis novos o espírito do emprendemento. O proxecto que abre esta liña de traballo é Pontevan, unha foodtruck de comida saudable ideada por alumnos de catro centros de FP de Pontevedra que presentará as súas propostas gastronómicas avalada polo recoñecido foodtrucker Hermes Castro, cociñeiro e propietario da prestixiosa foodtruck Hermes´Journey.

 

O proxecto PonteVan naceu do espíritu innovador de catro centros de ensino público de Pontevedra: CIFP Carlos Oroza, CIFP A Xunqueira, IES Frei Martín Sarmiento e IES Montecelo. Cada un deles fixo a súa aportación no ámbito da súa especialidade para levar a cabo esta proposta innovadora baseada fundamentalmente no concepto “learning by doing” (aprender facendo).

Un equipo multidisciplinar de 30 profesores e máis de 60 alumnos traballaron e traballan neste proxecto cuxo obxectivo é poñer un vehículo de comida na rúa. Realizouse o deseño integral dun vehículo que funcionará como aula móbil de cociña elaborando productos sans, naturais e que respecten cando sexa necesario alerxias e intolerancias alimentarias. Ofreceremos tamén un servizo de información a todos aqueles colexios e centros públicos que queiran participar da nosa proposta.

Neste proxecto colaboraron entidades públicas e privadas (Hedomin-Inelsa, FAGOR Industrial, CimaLab, Universidade de Vigo, Martínez Otero Contract SL e Galtex 2015), que ofreceron apoio técnico e asesoramento operativo, así como métodos de producción e medios que axudaron ao desenvolvemento das liñas básicas do proxecto. O CIFP A Xunqueira realizou a modificación integral a modo de “Food-truck” dun vehículo. O IES Montecelo realizou as labores de deseño exterior do vehículo e dos materias necesarios para o servizo de elaboracións (pratos, vasos, cartelería promocional,…). O CIFP Carlos Oroza e o IES Frei Martín Sarmiento traballaron en equipo para o estudio de elaboracións culinarias axeitadas a cada un dos casos concretos (actividades en colexios promocionando menús saúdables, oferta gastronómica específica para colectivos con algún tipo de alerxia ou intolerancia alimentaria, menús que fomenten os productos tradicionais da comarca,…).

PonteVan estará presente na carpa principal de Pont Up Store os días 22 e 23 de setembro. O principal obxectivo desta participación é promover o emprendemento dende o punto de vista da FP, tendo presente a filosofía do proxecto e o espíritu de asociación de centros educativos públicos e entidades públicas e privadas. O alumnado terá unha oportunidade de facer un exercicio real de emprendemento testando as respostas con clientela real, con produto real e cun balance custo/beneficio real a través dun servizo de comida na rúa.

Desde as 11 da mañá ata as 9 da noite do venres e do sábado, o alumnado do CIFP Carlos Oroza proporá unha oferta gastronómica variada na PonteVan, con catro variedades de bocadillos de autor, ideados polos alumnos e elaborados con produtos da horta do Oroza e materias primas galegas de primeira calidade. O venres 22 ás 12.30 da mañá, no salón de actos da Facultade de Belas Artes, realizarase unha exposición do proxecto aberta ao público en xeral (emprendedores, alumnado, profesorado doutros centros, interesados,…) onde participarán representantes dos centros educativos promotores de PonteVan, e un foodtracker recoñecido no circuito profesional de comida saudable e gourmet como é Hermes Castro, cociñeiro e propietario da food truck Hermes´Journey.

 

VÍDEO PONTEVAN: https://www.youtube.com/watch?v=S9OELmoOpvA 

 

Saúdos.
Comunicación | Marián Fernández | Este enderezo de correo está a ser protexido dos robots de correo lixo. Precisa activar o JavaScript para velo. | 650579208

 

MarSet19

Un taller permanentemente aberto para que toda a cidadanía poda experimentar coa fabricación dixital; debates sobre a función dos fab labs e os usos da impresión 3D; actividades educativas para familia e docentes; robótica para mocidade; e obradoiros para repensar as nosas cidades, son algunas das propostas que estarán dispoñibles desde mañá mércores ata o sábado en Pontevedra.

 

O Fab Lab do Pont-Up Store inicia mañá a súa programación desde unha nova ubicación. Nesta edición estará instalado moi perto da carpa central do evento, en concreto, nas Salas de Exposicións da Facultade de Belas Artes e da Escola de Restauración, propoñendo exposicións, demostracións e sesións de iniciación á fabricación dixital de forma continuada durante os tres días.

 

Un laboratorio creativo para repensar a cidade
A actividade empezará a bulir mañá mesmo cun obradoiro de creatividade e fabricación dixital organizado por FabSpace Coop e Xeneme Proxectos Sociais, que nos propoñen un título tan suxerente como FABRICANDO CIDADE: analizar os problemas dunha urbe, collendo como exemplo Pontevedra, intentar definir solución innovadoras, deseñalas, facer un prototipado e fabricar eses prototipos con cortadoras e impresoras 3D. O obradoiro celebrarase o mércores e o xoves de 17 a 20 horas. O proceso, os resultados e as pezas fabricadas formarán parte dunha exposición que poderá visitarse o venres.

 

Ven a crear e fabricar, é un convite para que todas as persoas que sintan curiosidade polo mundo da fabricación dixital teñan a oportunidade de experimentar e atreverse a facer a súa propia creación. Haberá demostracións de elementos de construcción xeodésica, un mural de caras, un puzzle de Pontevedra, e construcción de gafas de VR (Realidade Virtual). Este espazo, organizado por FabSpace Coop, é de libre acceso e estará funcionando venres e sábado de 11 a 14:30 e de 16 a 21 horas. A partir desta experimentación tamén se propón un espazo de debate: a mesa redonda FABRICAR NA ERA DIXITAL servirá para falar dos Fab Labs como espazos comunitarios e de participación cidadá e afondar sobre todas as aplicacións, solucións e alternativas que ofrece a fabricación dixital en sectores como o textil, a restauración, a alimentación e o sector naval. Será o venres en horario de 19 a 20:30.

 

O obradoiro ‘Educación, Familia e Tecnoloxía’ organizado polo Camp Tecnolóxico vai dirixido a docentes e familia, dous ámbitos da sociedade diferentes, pero unidos por un mesmo fin: a educación das nosas mozas e mozos. O obxectivo deste obradoiro é realizar unha actividade conxunta relacionada coa robótica, sen coñecementos previos nestas materias, para fomentar as vocacións cinetíficas e tecnolóxicas en idades temperás desde o ámbito docente e a familia. Celebrarase o venres de 16:30 a 20 horas e poden acudir familias, docentes de primaria, e estudantes de maxisterio ou pedagoxía que queiran achegarse ao mundo da programación con scratch.

 

A empresa de telefonía R involúcrase este ano por primeira vez no Pont-Up Store co taller de robótica Crea R, un proxecto de emprendemento dirixido aos maís novos e realizado en colaboración coa empresa Líbolis, que se presentou no pont-Up Store hai dous anos. Os participantes terán que solucionar un reto proposto dunha maneira creativa e en equipo. O reto consite en construír unha canastra cun contador electrónico que marque os tantos. O obradoiro ten unha parte de programación e outra de construción dun prototipo. Será o sábado en horario de mañá para nenas e nenos de 7-8 e 9-11, e pola tarde para a franxa de idade de 12 a 15.

 

Emprende con Wordpress
Dentro da programación dixital e tecnolóxica tamén hai que destacar o encontro organizado pola Asociación WordPress Pontevedra os días 21 e 23 con diferentes obradoiros e casos de éxito para facer un achegamento intensivo á ferramenta WordPress, o popular xestor de contidos dispoñible en galego e empregado por máis de 60 millóns de blogs. Esta sesión de meetup serviralle a WordPress Pontevedra como evento de presentación e tamén para recordarnos as múltiples razóns do éxito da plataforma. Participarán tres destacados membros da comunidade WordPress, amosando a súas experiencias e diferentes recursos para tirarlle o máximo proveito, tanto no eido comunicativo como no profesional e no empresarial. Trátase de Mauricio Gelve, referente na comunidade española de WordPress e co-organizador de WordCamp Madrid, ademais de relator e desenvolvedor; Ibon Azkoitia, outro destacado membro da comunidade nacional e internacional, organizador do WordCamp Bilbao; e para rematar Lúa Louro, deseñadora e desenvolvedora de WordPress que desde O Ézaro lanzou a súa carreira logo de estudar Belas artes en Pontevedra grazas a WordPress.

 

 

Saúdos.
Comunicación | Marián Fernández | Este enderezo de correo está a ser protexido dos robots de correo lixo. Precisa activar o JavaScript para velo. | 650579208

 

DomSet10

Xa non queda nada para o PontUpStore2017 e seguimos presentando aos emprendedores participantes.

 

 

 

 

 

 

 

 

 

 

 

 

 

 

 

 

Hoxe presentámosbos a Mi Madre no me deja, un proxecto creativo que usa diferentes materiais para plasmar as súas ideas. Queredes coñecelas? Seguide lendo!

 

 

 

 

 

 

 

 

 

 

 

 

 

 

 

 

 

 

 

 

 

 

-

 

 

 

 

 

 

 

 

 

 

 

 

 

 

 

 

.

 

 

 

 

 

 

 

1. En primeiro lugar, como definiriades Mi Madre No Me Deja?

Mi madre no me deja é un proxecto creativo, posto en marcha por dúas persoas creativas cun soño común: poder traballar naquelo que máis nos gusta e para o que nos temos formado.

A nosa motivación é aproximar a arte á vida cotiá a través de obxectos de uso diario, como cerámica, textil e papel.

Vimos de diferentes ramas das Belas Artes, pintura e escultura, pero ademáis temos formación noutros ámbitos do mundo artístico e artesán como serigrafía, restauración, cerámica e ilustración.

2. Cómo xorde o proxecto?

O proxecto nace cando estabamos a estudiar serigrafía atística. Dímonos conta de que con esta técnica podíamos trasladar os nosos deseños a distintos soportes, interesándonos sobre todo a cerámica, o textil e o papel.

3. Contádesnos que o voso proxecto comenza en 2015. Cal considerades que é a mellor e a a peor parte do proceso de emprender?

Como persoas creativas,a mellor parte, sen dúbida, é a liberdade, poder crear e adaptar os deseños ao soporte sobre o que o imos a reproducir. Crear libremente e traballar en equipo, enriquecer os deseños complementando nosas visións, iso fainos felices.

As peores partes do proceso de emprender son as horas que lle dedicamos e a gran responsabilidade que supoñen as decisións que tomamos. As horas extras son o pan de cada día e sempre estamos pensando e dándolle voltas a temas relacionadas coa empresa. A lista de tarefas nunca remata.

A responsabilidade ás veces non te deixa durmir. Tomar decisións en favor da empresa é complicado, hai que valorar moitos elementos e buscar a información é difícil.

 

4. Cal é a situación actual da empresa?

Como nova empresa seguimos intentando dar a coñecer o noso proxecto e as nosas creacións.

Isto lévanos a buscar eventos que nos sirvan de plataforma para darnos a coñecer. Participamos en markets, pop-ups e feiras principalmente. E agora estamos a traballar na nosa tenda online que estará lista en setembro.

 

5. Que é o fai únicos ós vosos produtos? Cales son as vosas pezas favoritas ou máis especiais?

Tentamos que os nosos produtos sexan únicos e por iso facémolos artesanalmente. Ese é o noso selo, todos son distintos.

As nosas pezas favoritas son as vaixelas que facemos por encargo, personalizámolas a petición de cada cliente, iso gústanos moito e os clientes tamén o agradecen .
E lanzamos unha colección de xoiaría en porcelana que ten moi boa acollida.
 
cerámica diseño

6. Cales son os métodos de difusión principais da vosa marca? Utilizades as redes sociais? De ser así, ¿qué aportan ao proxecto?

Hai uns meses inauguramos a nosa nova tenda-taller, acudiu moita xente que non coñecía o noso proxecto e fíxose eco a prensa local.
O boca a boca tamén nos funciona moi ben sobre todo para darnos a coñecer a nivel local.
A vantaxe das redes sociais é que nos permite chegar ao público nacional e mesmo internacional e sérvenos de feedback para coñecer a acollida dos nosos novos deseños nos clientes potenciais.

7. Cómo coñecestedes o Pont Up Store?

Pois participando nunha das edicións de Sétima Feira en Pontevedra unha persoa relacionada co Pont Up Store animounos a participar. Porque a nosa proposta creativa encaixaba ben no concepto de emprendemento e creatividade do Pont Up Store. Empezamos a seguir o voso facebook e aquí estamos.

8. Cales foron as razóns que vos levaron a presentar unha candidatura ao evento?

Unha das razóns foi a de saber se a nosa proposta estaría á altura de semellante iniciativa. Alegrámonos moito ao saber que nos seleccionaban.

Outra das razóns foi a de darnos a coñecer. E sobre todo poder compartir a experiencia con outros emprendedores con propostas diferentes.

 9.Que esperades obter do evento?
 Unha das expectativas que temos é que o noso proxecto teña máis visibilidade. E tamén coñecer e compartir ideas e estratexias cos nosos compañeiros emprendedores.

10. Xa para terminar. Qué consello darías a todos eses novos emprendedores que como vos están comezando o proceso ou se están decidindo a emprender?

Que se armen de valor. Porque é unha decisión importante que che afecta persoalmente e inflúe en aspectos importantes da túa vida. Poñer en marcha un proxecto desde cero é emocionante pero duro.
 
 
 
QUEREDES SABER MÁIS?
 
 
 
 
 
 
Acompañadenos estas semanas que non queda nada!!
VenSet08

Onte, presentamos o programa do #PontUpStore2017 e algúns emprendedores desta edición decidiron acompañarnos. Hoxe queremos presentarvos a un deles.

Cervexas Meiga realiza uns produtos do máis especiais. Queredes saber porqué? Seguide lendo!

 

1. En primeiro lugar, como definiriades Cervexas Meiga?
CervexaMeiga é o resultado dun esforzó diario por ofrecer o consumidor un produto artesán de calidade e con carácter de seu.

2. Como xorde o proxecto? En que fase se atopa?

Xurdiu no ámbito do puro entretemento doméstico, motivado polo coñecemento e curiosidade de Luis Tilve na materia. No momento actual, a aspiración principal e o fortalecemento, no eido da distribución, na provincia de Pontevedra.

  3. Faládenos dos vosos produtos. Que é o que fai especial as cosas cervexas?

 Meiga elabora cervexas totalmente artesáns, sen filtrar e sen pasteurizar, empregando as maltes e lúpulos da mellor calidade. Conxugamos a presentación ó consumidor de estilos de cervexa máis convencionáis con outros estacionais, novidosos, sempre baixo o noso selo diferenciador.

 

4. Que podedes contarnos do proceso de elaboración das vosas Cervexas?

Sempre baixo a premisa da formación continua, poderiamos definir o noso proceso de elaboración como unha conxunción de procedementos tradicionais coas melloras orixinadas polos avances tecnolóxicos.

 cerveza pack

5. Cal considerades que é a mellor e a a peor parte do proceso de emprender?

Neste proceso, a mellor parte recaiu no persoal; motivado polos esforzos e ánimos de familiares e persoas cercanas. A peor parte, está relacionada coa escasa ou nula axuda e orientación de certos organismos oficiáis.

6. Utilizades as redes sociais? Que aportan ao proxecto?

 O Facebook e a plataforma Web resulta unha ferramenta moi útil a prol dun contacto máis directo e fluido cos nosos clientes.

7. Como coñestedes o Pont Up Store? Temos a referencia de edicións pasadas.

  8. Cales foron as razóns que vos levaron a presentar unha candidatura ao evento?

Entendemos que é unha plataforma moi interesante a nivel de publicidade e crecemento empresarial o poñernos en contacto coas realidades cotiáns doutros emprendedores.

9. Qué esperades obter do evento?
Maior difusión posible para a nosa empresa.

10. Xa para terminar. Qué consello lles daríades a todos eses novos emprendedores que están comezando o proceso ou se están decidindo a emprender?

 Creer firmemente no seu proxecto e non deixarse influenciar polas dificultades iniciáis.

 

MÁIS INFO?

WEB

FACEBOOK

 

 

SEGUIDE ATENTOS NAS REDES SOCIAIS QUE NON QUEDA NADA!!

XovSet07

Máis de 40 empresas van presentar os seus modelos de negocio nesta cuarta edición do Pont-Up Store, que se consolida como o principal evento de emprendemento en Galicia. As novas tecnoloxías e as enxeñerías volven achegar as propostas máis impactantes, seguidas por ideas moi innovadoras procedentes dos sectores da alimentación, a formación, a arte, a cultura e o deseño. No programa deste ano destacan as actividades relacionadas coa economía social, o fomento do emprendemento na escola, e a importancia do mentoring na primeira fase dun proxecto. Un Laboratorio Creativo aberto a toda a cidadanía permitirá a toda a familia achegarse á robótica e á fabricaión dixital; e o Puntazo Exprés volverá converterse nunha lanzadeira de proxectos propiciando encontros produtivos entre grandes empresas galegas e os emprendementos máis destacados desta edición.

 

A programación do PONT-UP STORE 2017 foi presentada esta mañá, na sala de prensa do Concello de Pontevedra, polo director do encontro, Pedro Figueroa; a concelleira de Promoción da Cidade, Anabel Gulías; o responsable de Economía da Deputación de Pontevedra, Carlos López Font; e o vicerreitor do Campus de Pontevedra, Juan Manuel Corbacho, que vencellou este encontro á ‘liña de traballo que se está a seguir desde o Campus CREA para apoiar iniciativas creativas na cidade, conseguindo que cada vez o alumnado emprenda máis’. A concelleira Anabel Gulías destacou que “o Pont-Up Store está transformando a Pontevedra nunha cidade innovadora capaz de acoller os emprendementos mais punteiros de Galicia”. Pola súa parte, Carlos López Font, asegurou que en Galicia hai moito talento e este é un espazo de visibilización perfecto para testar novas ideas. A continuación, Pedro Figueroa debullou o programa, integrado por case 40 actividades enfocadas ao desenvolvemento da cultura emprendedora. Figueroa destacou o “só puidemos atender o 30% das solicitudes que nos chegaron e para a miña sorpresa o 33% dos proxectos proceden do rural e das vilas, e iso significa que podemos crer no futuro do noso país”.

 

Nesta edición a actividade volverá concentrarse en tres días: unha xornada previa o xoves 21 con charlas e encontros en distintos espazos da cidade; e dúas xornadas mais centradas na carpa que estará instalada na Praza de España o venres 23 e o sábado 24 de setembro, onde ademais de coñecer os 37 proxectos emprendedores seleccionados para ocupar os stands, o público poderá participar nas actividades de dinamización propostas polos emprendedores.
O escaparate de emprendementos de PONTÚP STORE 2017 vai ser diverso, innovador, moi creativo e tamén sostible, cunha alta porcentaxe de propostas que buscan mellorar a vida das persoas desde distintos ámbitos. Hai empresas como 7VARAS, que se dedican a facer bicicletas de bambú; outras como PAUS, que venden packs de pegatinas especiais para tapar as cámaras dos nosos dispositivos móbiles e protexernos dos ciberataques; e propostas para facilitarnos a vida como a app ‘Care your Car’ de DEGALTEC, que nos permite xestionar o montemento do noso vehículo desde o noso Smartphone; ou a plataforma SEND2ME de caixas de correo electrónicas que nos premiten recibir as nosas compras online aínda que non esteamos na casa. Tamén participará a empresa galega START-T-CASE, que vende a todo o mundo e que está revolucionando o mundo dos dispositivos móbiles con carcasas que ademais de recargar os nosos teléfonos aproveitando a luz solar ou a luz artificial son ao mesmo tempo fundas protectoras e poden pasar carga a outros dispositivos cun sinxelo conector. Ademais, Pont-Up Store reserva sempre parte do seu espazo a iniciativas empresariais que operan dentro da economía social. Nesta ocasión unha das presenzas máis destacadas é a da marca BICO DE XEADO, coa que a cooperativa Granxa O Cancelo foi capaz de transformar un problema como o da cota leiteira nun éxito de mercado ao empregar o excedente de leite na elaboración de xeados cremosos artesanais de alto valor engadido.

 

Algunhas destas empresas ofrecerán tamén un programa de actividades de dinamización no espazo central da carpa con propostas como unha innovadora sesión de bionetworking organizada por BIOFUSIÓNATE na que se emprengará a intuición e o xogo para obter información útil na nosa empresa; unha cata de cervexas artesá da marca MEIGA; un obradoiro de KIARE INNOVARTE FLORAL no que aprender a arte floral dos kokedamas; un achegamento en familia ao mundo do álbum ilustrado empregando as nosas vivencias persoais proposto por PLANO PEMENTA; e laboratorios dinámicos de creación cultural e artística de economía social cos que a REDE EUSUMO quere promover a arte a a cultura entre os nenos e nenas desde a perspectiva da economía social, unha abordaxe que tamén estará presente no Encontro Networking da Economía Social organizado pola Consellería de Economía, Emprego e Industria.

 

Actividades en toda a cidade
Na programación destacan as propostas e a implicación de case 40 organizacións involucradas con actividades plantexadas en 12 localizacións diferentes da cidade e arredor de 100 expertos impartindo conferencias, xornadas e obradoiros. A Deputación de Pontevedra ofrecerá un obradoiro práctico para axudar ás persoas emprendedoras a posicionar o seu proxecto baixo a proposta ’Imos chamar á prota dos teus clientes: Posicionamento SEO’. Pola súa parte, ABANCA propón a sesión de formación exprés ‘Preparado para o investimento? O que debes saber de finanzas para montar a túa empresa’. As Cámaras de Comercio de Pontevedra, Vigo e Vilagarcía de Arousa presentarán os seus viveiros para persoas emprendedoras e unha serie de casos de éxito nas que teñen actuado como mentores.

Precisamente o mentoring será unha das novidades do programa. A Fundación Ronsel presentará o sábado o Proxecto Youth Business Spain mentres a Asociación Española de Mentoring (AMCES) propón a conferencia “Mentoring como clave do éxito no emprendemento” seguida dunha mesa redonda arredor da importancia de contar cun acompañamento profesional no proceso do emprendemento.

 

Un laboratorio creativo para repensar a cidade
O noso Laboratorio Creativo de fabricación dixital e impresión 3D amplía espazo, programación e alianzas. Será o primeiro en comezar a funcionar, desde o mércores 20, e estará ubicado nas Salas de Exposicións da Facultade de Belas Artes e da Escola de Restauración propoñendo exposicións, demostracións e sesións de iniciación á fabricación dixital de forma continuada durante os tres días. Dentro das actividades que se desenvolverán neste espazo destacan tres obradoiros: ‘Educación, Familia e Tecnoloxía’; “Pensando a túa cidade” orientado ao urbanismo; e o taller de robótica Crea R no que Líboli, un proxecto empresarial que se presentou hai dous anos no pont-Up Store, logrou implicar á empresa de telefonía R nun proxecto de emprendemento para os maís novos. Ademais, no marco da reunión da comunidade WordPress en Pontevedra (‘Meetup’) vaise organizar a actividade Emprende con Wordpress con diferentes obradoiros para achegar WordPress a calquera que teña interese mostrando casos de xente emprendedora que nos ensinarán como empregaron WordPress crear o seu negocio/proxecto.

 

O emprendemento no ensino
Unha das grandes apostas deste ano é establecer alianzas co ensino para levar ás aulas o espírito emnprendedor do PONT-UP e servir de escaparate para mostrar proxectos innovadores como Pontevan: FP na rúa, un aula de cociña móbil creada entre catro centros de ensino público de Pontevedra. (CIFP Carlos Oroza, CIFP A Xunqueira, IES Frei Martín Sarmiento e IES Montecelo e conta tamén coa colaboración da Universidade de Vigo-Quantum Automotive- CimaLab) que vai achegar a Formación Profesional á rúa e mostrar un proxecto co que o alumnado aprende a innovar, neste caso renovando o concepto de FoodTruck cun vehículo de comida san e de calidade. E seguindo coa idea de inculcar o espírito emprendedor desde idades moi temperás, o sábado está programada a segunda edición da Xincana Bike orientada a desenvolver a iniciativa, o traballo en equipo e a cooperación entre nenas e nenos ata 14 anos. A proba divídese en 5 zonas cada unha cunha temática marcada e relacionada coa filosofía de emprendemento do Pont-Up Store.

 

Puntazo Exprés
Por último, 10 emprendementos participarán no Puntazo Exprés no que terán a oportunidade de explicar en 5 minutos o seu emprendemento a 5 importantes empresas e entidades galegas. Entre os escoitantes desta edición estarán, entre outros, Juan Vázquez Gancedo Director Xeral de Bodegas Martín Códax e Presidente do Clúster Alimentario de Galicia; Begoña Ocampo, socia fundadora da cadea de restaurantes La Pepita Burguer Bar; Débora Franco de Vázquez de Monet Viticultura; Xavier Castaño, da consultora Internacional de Proxectos Tecnolóxicos, Igalia; e Isabel Rodríguez Blanquer, directora de operacións da empresa especializada en produtos culturais para a infancia, El Faro de los Tres Mundos.

 

Saúdos.
Comunicación | Marián Fernández | Este enderezo de correo está a ser protexido dos robots de correo lixo. Precisa activar o JavaScript para velo. | 650579208

 

MarSet05

Hoxe presentamos a Funámbulos, participantes do Pont Up Store 2017. Para coñecer a Funámbulos, visitamos o parque de Castrelos, onde falamos un pouco sobre a súa empresa, a educación, o emprendemento e o Pont Up Store.

Queredes saber máis? Seguide lendo!

 

 

Funámbulos nace coa idea de ofrecer un espazo aberto nace coa idea de ofrecer un espazo aberto á comunicación, o benestar, o equilibrio emocional e a autonomía do individuo.

Para eles, cada neno é único, valioso e merece una atención especializada. Contemplamos a súa situación personal, as súas circunstancias e a etapa de desarrollo vital en la que se encuentra, realizando nuestra labor desde la aceptación, el apoyo incondicional y la honestidad.

 Din que o seu papel consiste en guiar, acompañar no proceso de búsqueda e toma de decisiones; fomentar que a persoa, o funámbulo, aprenda a manter o equilibrio mentras pedalea, ao fin e ao cabo terá que seguir pedaleando toda a súa vida.

Creen que a empatía, a autonomía e o traballo cooperativo son imprescindibles para divertirse e conseguir unha vida máis feliz e plena.

 

¿A quen vai dirixido?

  • Nenos e adolecentes de edades comprendidas entre os 4 e os 17 años que requiran dun acompañamento educativo e emocional adaptado as súas necesidades.
  • Familias durante o proceso de crecemiento personal e resolución de conflictos.
  • Atención e orientación psicológica tanto individual como grupal nas diferentes idades.

¿QUÉ SERVIZOS OFRECEN?

  • Apoio escolar
  • Atención psicolóxica individual e grupal: problemas de conducta que afecten ao benestar da persona: autoestima, ansiedades, adiccións, medos, fobias, TDAH, habilidades sociais… sempre dende un enfoque humano que resalte a importancia das emocións, de cómo nos encontramos e que é o que necesitamos para sentirnos mellor.
  • Orientación familiar e parental
  • Asistencia especial

 

 

MÁIS INFO:

WEB DE FUNÁMBULOS

FACEBOOK DE FUNÁMBULOS

 

 

DomSet03

Como sucedeu no Pont Up Store 2016, quixemos coñecer aos emprendedores seleccionados para participar no Pont Up Store 2017 antes da celebración do evento.

Kiare, participa no #PontUpStore2017 nas modalidades de stand e actividade de dinamización e defínense como unha nova forma de entender a arte floral. Queres coñecer máis sobre estas emprendedoras ou entrar no mundo das Kokedamas? Sigue lendo!

 

1- En primeiro lugar, como definirías Kiare?

 

 Kiare é unha nova e innovadora forma de entender e interpretar a decoración de espazos a través do noso producto principal, as kokedamas. Elaboramos de forma natural e artesanal plantas sobre unha bóla de musgo.

 A innovación está presente en cada un dos nosos traballos xa que adaptamos e rediseñamos esta técnica ancestral para poder ofrecer os nosos clientes calquera tipo de planta, a parte das nosas especialidades de kokedamas con cactus e crasas.

 

2- Como xorde o proxecto? En que fase se atopa?

 

O proxecto xorde de unir varios factores como son: A paixón polas plantas, a realización persoal e a conciliación da vida familiar. 

 Agora estamos coa promoción dos nosos productos, logo dun longo proceso de aprendizaxe.

 

3- Que fai de especiais as kokedamas? Que poderías contarnos dos teus productos? A quen van destinados?

 

A máxia da kokedama radica na súa bóla que está formada por unha mezcla de sustratos e recuberta de musgo, que lle da un aspecto natural e silvestre. É, en definitiva, como se un cachiño de natureza pasara dentro da nosa casa conseguindo que se convirta nun lugar máis agradable e saudable.

 

As nosas elaboracións son moi versatiles e darán ese toque especial alí onde as poñas, ademáis son un producto completo xa que tódalas nosas kokedamas inclúen ou ben unha base decorativa ou ben un colgante que  as suspende no aire. Como xa comentei, intentamos innovar en cada producto así podemos ofrecer, ademáis das kokedamas clásicas, o que nos chamamos koketas onde o musgo é sustituido por outros materiais naturáis dando como resultado un producto diferente, divertido e creativo. Ademáis, este ano preparamos unha liña nova para Bodas e Eventos centrado na decoración de interiores e nos agasallos para os invitados.

 plantas-kokedamas-koketas

O noso cliente obxetivo son todos os amantes das plantas xa sexan particulares, profesionáis ou pemes. Ofrecemos un producto e servizo completo que vai desde o deseño e montaxe dun xardín de kokedamas ata o mantemento anual que precisen as bólas.

 

  

4-Que tipo de cuidados especiais necesitan estas plantas?

 

Os cuidados básicos son sinxelos onde con frecuencia a determina o tipo de planta que teña a bóla:

 

- A Rega farase por inmersión.

- Acondicionamento e limpeza das follas.

- Abono na auga de rega.

 

O factor máis importante que non sempre se ten en conta é o lugar donde colocaremos a nosa kokedama. Sempre hai unha planta para ese rincón pero non o revés.

 

 

5- Cal consideras que é a mellor e a peor parte de todo este camiño de difusión dos teus productos?

 

Para min a mellor parte é o proceso de aprendizaxe onde por forza aprendes de marketing, redes sociais, etc. E a peor parte son os erros inevitables que se cometen no camiño que o final fanche mellorar como profesional.

 

6- Utilizas as redes sociais? Que aportan o Proxecto?

 

Si as utilizamos pero teño que recoñecer que é un punto debil, onde estamos a aprender moito. Serve entre outras cousas para validar ideas e desenvolvemento de promoción. Estamos presentes en Facebook coa páxina @kiareinnovartefloral.

 

7- Como coñeceches o Pont-up store?

 

Mediante as redes sociais, gracias a este medio puidemos coñecer todos os detalles.

 

8-Cales foron as razóns que te levaron a presentar a candidatura ao evento?

 

A razón principal é que tiñamos que aproveitar a oportunidade de promocionar os nosos productos e servicios nun evento destas características. Onde os demáis participantes tamén son emprendedores que presentan as súas innovacións.

 

9- Que esperas obter do evento?

 

Aumentar a visibilidade da marca Kiare e dos seus productos e servizos, así como ampliar a rede de contactos.

 

10.Que vamos a poder ver no stand de Kiare?

 

Amosaremos unha selección dos nosos productos e as novidades que estivemos preparando estes últimos meses. Aproveitaremos a nosa participación no Pont-up store para facer unha presentación en exclusiva de novos productos e sorpresas. Así que animo a todos a que se acheguen o Pont-up para coñecer todo o que podemos ofrecer de primeira man.

 

10- Xa para terminar. Que consello lles darías a todos eses novos emprendedores que están comenzando o proceso ou se están decidindo a emprender?

 

Sobre todo que o proxecto o inicien con moitas ganas, ilusión e paixón xa que no proceso hai moitos altos e baixos. Non sempre é fácil pero cando o superas é moi gratificante. Tamén lles diría que na medida do posible se rodeen de xente coas mismas inquietudes emprendedoras.

 

 

Queredes coñecer máis sobre Kiare ou sobre as súas Kokedamas? Deixade as vosas preguntas en comentarios e visitádeas en:

FACEBOOK de Kiare

BLOG de Kiare

 

 

Atentos estas semanas! O Pont Up Store 2017 está ao caer e temos un montón de novidades preparadas ademais de presentar a moitos máis emprendedores!

 

MerXul26

A organización seleccionou máis de 40 emprendementos entre un total de 123 solicitudes, que nesta edición medraron significativamente en calidade e potencial de desenvolvemento, e amosan un mapa galego de emprendemento máis equilibrado entre as cidades e o rural. As novas tecnoloxías e as enxeñerías volven achegar as propostas máis impactantes, seguidas por modelos de negocio e ideas moi innovadoras procedentes dos sectores da alimentación, a formación, a arte e a cultura, o deseño de moda, complementos e decoración. No encontro participará a empresa galega START-T-CASE que vende a todo o mundo a súa revolucionaria carcasa solar, capaz de recargar no noso teléfono móvil aproveitando a luz solar ou a luz artificial servindo ao mesmo tempo como funda protectora, e coa posibilidade de traspasar a carga a outros dispositivos a través dun sinxelo conector.

 

O PONT-UP STORE chegará en outono a Pontevedra por cuarto ano consecutivo, consolidado xa como o evento de referencia do novo emprendemento en Galicia. Despois dun intenso proceso de selección, no que se partía dun total de 123 solicitudes de participación recibidas, escolléronse os 41 emprendementos mellor cualificados para ter presenza no programa. Destes 41 emprendedores, 33 contarán cun stand gratuíto para mostrar os seus productos, ideas e servizos, e 5 terán tamén a oportunidade de participar no programa de actividades de dinamización desenvolvendo propostas tan interesantes como unha innovadora sesión de networking emprengando a intuición e o xogo para obter información útil na nosa empresa; unha cata de cervexa artesá; un obradoiro no que aprender a arte floral dos kokedamas; unha sesión de contacontos para promover a arte a a cultura entre a cidadanía; e un achegamento en familia ao mundo do álbum ilustrado empregando as nosas vivencias persoais.

 

Por último, 10 emprendementos participarán no Puntazo Exprés no que terán a oportunidade de explicar en 5 minutos o seu emprendemento a 5 importantes empresas e entidades galegas. Entre os escoitantes desta edición estarán, entre outros, Juan Vázquez Gancedo Director Xeral de Bodegas Martín Códax e Presidente do Clúster Alimentario de Galicia; Begoña Ocampo, socia fundadora da cadea de restaurantes La Pepita Burguer Bar; Débora Franco de Vázquez de Monet Viticultura; Xavier Castaño, da consultora Internacional de Proxectos Tecnolóxicos, Igalia; e Isabel Rodríguez Blanquer, directora de operacións da empresa especializada en produtos culturais para a infancia, El Faro de los Tres Mundos.

 

O director do Pont-Up Store, Pedro Figueroa, explica que “nesta edición constatouse un importante incremento na calidade dos emprendementos que presentaron candidatura, tanto no seu carácter innovador como no potencial de desenvolvemento”. En canto á procedencia das candidaturas, Figueroa afirma que “o Pont-Up Store consolídase como o referente do novo emprendemento en Galicia cun 50% das solicitudes procedentes de fora da provincia de Pontevedra. Ademais –engadiu- é relevante que preto do 35% das candidaturas procedan de fora das sete grandes cidades galegas, o que é indicativo da boa saúde das dinámicas emprendedoras nas vilas e no rural galego”. O director do Pont-Up tamén destacou que os sectores dos que proceden os emprendementos máis destacados son as novas tecnoloxías e as enxeñarías con apostas moi valentes e innovadoras tamén no ámbito da alimentación; a formación; a arte e a cultura; e especialmente o deseño, moda, complementos e decoración. Pedro Figueroa lamentou non poder acoller a máis emprendementos e explicou que “tras unha selección que, como recollen os obxectivos, procura o maior equilibrio posible entre os diferentes sectores e actividades, houbo proxectos de gran calidade que non puideron ser seleccionados finalmente debido ao límite de prazas dispoñibles”.

 

Todos os proxectos escollidos son novos emprendementos con menos de 3,5 anos (42 meses) dende a creación da empresa. Participar é de balde, pero os emprendedores seleccionados tiveron que superar un proceso de selección no que se aplicaron criterios de valoración sobre o grao de creatividade, innovación, potencial de crecemento e impacto económico e/ou social, que garantan a diversidade de participantes en canto produtos/servizos, sector de actividade, forma xurídica da empresa e procedencia xeográfica dos proxectos presentados.

Entre os escollidos hai empresas como 7VARAS, que se dedican a facer bicicletas de bambú; outras como PAUS, que venden packs de pegatinas especiais para tapar as cámaras dos nosos dispositivos móbiles e protexernos dos ciberataques; e propostas para facilitarnos a vida como a app ‘Care your Car’ de DEGALTEC, que nos permite xestionar o montemento do noso vehículo desde o noso Smartphone; ou a plataforma SEND2ME de caixas de correo electrónicas que nos premiten recibir as nosas compras online aínda que non esteamos na casa. Tamén participará a empresa galega START-T-CASE, que vende a todo o mundo e que está revolucionando o mundo dos dispositivos móbiles con carcasas que ademais de recargar os nosos teléfonos aproveitando a luz solar ou a luz artificial son ao mesmo tempo fundas protectoras e poden pasar carga a outros dispositivos cun sinxelo conector. Ademais, Pont-Up Store reserva sempre parte do seu espazo a iniciativas empresariais que operan dentro da economía social. Nesta ocasión unha das presenzas máis destacadas é a da marca Bico de Xeado, coa que a cooperativa Granxa O Cancelo foi capaz de transformar un problema como o da cota leiteira nun éxito de mercado ao empregar o excedente de leite na elaboración de xeados cremosos artesanais de alto valor engadido.

Relación definitiva de participantes no PONT-UP STORE 2017

 

Go to top