Blog

JueAgo11

 

O venres tivemos a oportunidade de coñecer a Paula, emprendedora que está detrás de A Castrexa, un obradoiro de conservas vexetais elaboradas a partir de recursos da contorna.

Paula é todo un exemplo de cómo aproveitar as oportunidades do entorno de cara a emprender nun negocio e de como as sinerxias entre diferentes emprendedores dan lugar a produtos extraordinarios. Poderedes coñecer a Paula e probar e adquirir os seus produtos no Pont Up Store 2016, pois é unha das candidatas elixidas para ocupar un stand nesta edición do evento.

 

¡Esperámosvos! ¡Únete ao Movemento Up!

 

LunAgo15
 
Toma&gofoi un dos proxectos mais interesantes de #PontUpStore2015. Os seus promotores descríbeno como un servizo de mensaxería colaborativa entre usuarios que conecta a personas que queren enviar algo con viaxeiros.
 
Somos o Blablacar dos paquetes! Todos os que teñan un oco poden levar un paquete (anano, mediano, grande, especial, etc.) a outro usuario sexa cal for o medio de transporte (coche, tren, avión, etc.) podendo pactar unha serie de condicións do envío como o lugar de recollida e entrega ou a recompensa ao viaxeiro. Os viaxeiros aforran combustible e os que envían teñen un servizo as 24 horas do día, cunprazo de entrega reducido e un custo por baixo dos medios tradicionais. ADIOS AOS COCHES E MALETAS BALEIRAS.
Toma&go nace en Vigo a finais do 2014 e ten como obxectivo conseguir unha mobilidade máis sustentable e eficiente a través do uso de novas tecnoloxías centradas no consumo colaborativo.
A nosa misión é que todos os envíos sexan alucinantes, baratos, flexibles, ecolóxicos e sobre todo adaptados ao cliente. Toma&go simplifica os medios actuais de envíos coa colaboración de todos os usuarios creando unha rede de envíos colaborativos a través da transparencia e confianza de todos os nosos usuarios (validados con perfís valorables).
 
Por que decidistes participar en Pont-Up Store? Cumpríronse as vosas expectativas?

 Cando nos inscribimos no Pont-up Store pensamos que sería unha boa oportunidade para darnos a coñecer en Pontevedra, saber que opinión tiñan os visitantes sobre o consumo colaborativo e o crowdshipping, coñecer empresas doutros sectores nunha situación parecida á nosa e sobre todo pasar un bo intre.

Está claro que o Pont-up Store cumpriu todas as expectativas. Para nós o mellor foi a boa acollida e a opinión da xente que nos axudou a orientar, máis se cabe, Toma&go ao usuario.
 
Cal é a situación da vosa empresa a día de hoxe?
Nos últimos meses demos un salto co lanzamento da nosa nova web moito máis útil para os nosos viaxeiros. Estamos presentes por agora na península e durante os próximos meses imos traballar para chegar a novos usuarios españois sen descartar máis adiante dar o salto ao resto de Europa. Ademais xeraremos máis valor ás viaxes realizadas polos nosos máis de 16000 usuarios con melloras de funcionalidade e a implantación de novos recursos que vos iremos comentando.
Queremos chegar a ser unha empresa referente a nivel nacional de envíos colaborativos e así converternos nunha alternativa real ás mensaxerías tradicionais moito máis barata, flexible, cun servizo de 24h e onde se reduzan as emisións á atmosfera.
 
Que mensaxelles deixarías aos participantes da próxima edición?
É incrible o que se pode aprender en 2 días, aproveita a oportunidade que che dá o Pont-up Store!
 
 
MiéAgo10

 

Calabizo é o primeiro chourizo de cabaza 100% vexetal, que tivemos o pracer de probar no Pont-Up Store 2015. Hoxe entrevistamos a Keila, a súa Directora Comercial.

De onde ven o voso proxecto?

Calabizo xurde hai mais de dous anos para dar unha solución de embutido vexetal ao sector vexetariano. Conseguimos idear unha receita que está gustando e que vai aumentando en distribución, polo que o noso éxito ven dado pola elaboración e comercialización de Calabizos.

Por que decidistes participar en Pont-Up Store?

Para mellorar a difusión e a visibilidade do noso proxecto a nivel local e provincial. Grazas a Pont-Up Store contactamos con particulares que descubriron o noso produto, e tamén con tendas do sector.


Pensas que a participación en Pont-Up Store foi beneficiosa para o teu proxecto?

Sempre é positivo darse a coñecer, sobre todo cando estás empezando e mais aínda se o podes facer cun stand/espacio a custe cero, xa que sabemos que moitas startups coma a nosa non dispoñen dos recursos económicos que nos gustaría para darlle visibilidade aos nosos proxectos.


Cal é a situación de Calabizo a día de hoxe?

Levamos 9 meses no mercado comercializando os nosos chourizos. Dende o pasado 1 de setembro de 2015.

O éxito e a demanda animáronnos a cambiar de instalacións para aumentar a capacidade de produción. E dende hai uns meses estreamos instalacións nunha das naves bioclimáticas do Parque Empresarial Porto do Molle en Nigrán, lugar onde dende ViaVigo nos axudaron a acelerar o noso proceso empresarial. Xeramos 5 postos de traballo directos.


Que mensaxe lle deixarías aos participantes da próxima edición de Pont-Up Store?

Que aproveiten a oportunidade de participar, toda a visibilidade é boa. E que se organicen e deixen tempo para visitar ao resto de empresas participantes, xa que hai proxectos realmente interesantes, e persoas detrás dos mesmos coas que crear contacto e sinerxias para aprender e mellorar. Ademais de coñecer outras experiencias emprendedoras e sentir que non estás só, senón que hai mais persoas loitando coma ti e perseguindo o seu soño para convertelo no seu medio de vida.

 

 

VieAgo05

Víctor, Felix e Lois forman Xefe da Birra S.L. e o seu proxecto chamase Cervexa NASA. ¿De onde ven este proxecto?

Plantexamos crear unha cervexeira Independente a Artesá, con alta capacidade de producción, e dicir, integrar os puntos fortes dos dous mundos da cervexa: a industrial e a artesá.

Cando inauguremos seremos a segunda fábrica de Galicia por capacidade de produción, evidentemente todos podemos imaxinar cal é a primeira, NASA supón un 0,05 da mais grande, pero é entre 5 e 10 veces maior do resto de artesás galegas; ademais incorporamos tecnoloxía moi novidosa; pero isto xa forma parte dos segredos de NASA...

A nosa capacidade permítenos gran marxe de manobra e reducir os custes fixos, ofrecendo un produto de calidade artesá a prezos populares.

A nosa segunda diferenza fundamental é o noso estilo; NASA é unha artesá co mesmo estilo que consume a xente habitualmente, unha lager especial, preto dos 5% de alcohol, cun sabor recoñecible por calquera bebedor de cervexa; e o que é máis importante: ao mesmo prezo que unha cervexa industrial.

Evidentemente NASA será o noso produto estrela, pero faremos moitas máis cervexas especiais, e temos preparadas varias colaboracións dende Chequia e Inglaterra, con mestres cervexeiros de prestixio.


Canto tempo levades traballando nese proxecto?

NASA plasma as ideas que levamos desenvolvendo dende o comezo da revolución da cervexa artesá.

Púxose por escrito hai cinco anos, e hai dous anos comezamos o traballo serio e intenso, que cristalizará este verán na inauguración da fábrica.


Por que decidistes participar en Pont-Up Store?

Pont-Up Store supuxo o noso primeiro contacto co público e decidimos facer coincidir a nosa presentación en Pont-Up Store co lanzamento do noso crowdfunding. Por un lado a presentación foi o primeiro ensaio das moitísimas veces que tivemos, temos e teremos que repetir cal é o noso obxectivo e as nosas armas, por outro foi o primeiro empurrón para o noso crowdfunding, que foi todo un éxito alcanzando e superando as nosas expectativas de 100.000 euros.


Que foi para ti o mellor de participar en Pont-Up Store?

 

A presentación sobre o escenario permite ir pulindo o teu discurso, descubrir as reaccións da xente do público e afirmar os teus puntos fortes. Por outro lado descubrimos moitos proxectos interesantes nas casetas; ademais tiven a sorte-mala sorte de facer a nosa presentación despois dunha presentación feita polo grandísimo Tony Lomba.

Cambiarías algo da túa participación se puideses volver atrás?

Non cambiaría nada, nunca, nin desta presentación nin de ningunha; di Nacho Vegas nunha canción, e aplicámolo coma principio: “Todos mis pecados, viajarán conmigo, ayudandome a acertar El Camino”.


Cal é a situación da túa empresa a día de hoxe?

Estamos rematando de acondicionar a nosa nave, e de aquí a un mes montamos a maquinaria e comezamos a produción. Despois de sangue, suor e bágoas para chegar ata aquí, espéranos o traballo duro de verdade.


Que mensaxe lle deixarías aos participantes da próxima edición de Pont-Up Store?

Repasade todas as experiencias da vosa vida para aprender delas, xuntádevos con xente moito mais talentosa ca vós, repetide un millón de veces o voso proxecto ata que o saibades de memoria; así darédesvos conta de que non ides cumprir, por exceso ou por defecto, os obxectivos que vos marquedes, que a maioría das cousas saen, pero non como pensabas.

Que isto, o que chaman emprender en pseudolingua política, significa autoexplotación e autoescravitude, así que buscade algo do que saibades e vos guste de verdade.

E, se finalmente acabades tan trastornados que credes que por autoexplotarvos tedes dereito a facer de Sr. Burns a explotar a outros, merecedes que vos vaia mal.

VieJul29

Para dar comezo á fin de semana dende a Organización do Pont Up Store 2016 queremos facer pública o que será a distribución dos stands durante o evento.

Queremos expresar unha vez máis o noso agradecemento a todas os proxectos emprendedores que presentaron a súa candidatura pola gran acollida que tivo esta edición así como felicitalos pola gran calidade dos seus proxectos.

 

 

1

Información e Organización

www.pontupstore.com

19

Txstockdata, S.L.

App para captar o sentimento de mercado (IBEX35) a partir da interpretación de datos de social media.
www.twibex35.com

2

SPIN 2016

http://www.spin2016.org

20

Travelling Assistant

Web para poñer en contacto a viaxeiros e turistas con residentes locais en cidades destino.
www.travellingassistant.com

3

Patrocinadores

21

Seele Comunicación 

Axencia de deseño gráfico e web 

www.seelecomunicación.com

4

LOVELY BLANCA

Complementos Handmade
www.lovelyblanca.com

22

Pajaritas Colibrí

Comercialización e deseño de gravatas de lazo
www.pajaritascolibri.com

5

A Tenda da Gata

Alimentación e consumo responsable
www.atendadagata.com

23

LA XANDA MULTISERVICIOS SL

Xeración de oportunidades de emprego a mulleres afectadas pola violencia, a explotación e a exclusión
www.laxanda.org

6

Mercado Flotante

Tenda online de produtos gastronómicos exóticos
www.mercadoflotante.com

24

Orballo Printing

Tenda especializada en impresoras 3D e os seus componentes.
www.orballoprinting.con

7

MARIA VIQUEIRA

Creación de prendas artesanais

www.mariaviqueira.com

25

Xeitura: xestión integral do Patrimonio Cultural

Xestión integral do patrimonio cultural
www.xeitura.com

8

GALICIAN BREW

Microfábrica de cervexa artesá

www.galicianbrew.com

26

Dogoplay

App de actividades e rutas ao aire libre cun forte compoñente social
www.dogoplay.com

9

Croccanti Estudio

Estudio Creativo de Deseño
http://croccantiestudio.com

27

Innovadhoc

Servizos multimedia e de impresión 3D con especial orientación ao ámbito industrial e ao sector naval en particular

www.innovadhoc.es

10

Netun Solutions, S.L.

Accesorios de seguridade vial
www.netunsolutions.com

28

Mariem f.

"Sherpa" que guía a organización e persoas polos seus camiños empresariais.
www.mariemfilgueira.com

11

Rachachán.

Pedagoxía Montessori
www.rachachan.com

29

Cousas da Bisavoa

Obradoiro artesá adicado a promoción e venda do Mirabel

www.facebook.com/cousasdabisavoa

12

Betweien

Proxectos educativos e creación e producción de recursos pedagóxicos
www.betweien.com

30

ACASTREXA

Obradoiro de conservas vexetais
www.acastrexa.com

13

DISBO BY LUPITA

Ilustración e deseño. Decoración. Conto Ilustrado Un rincón de palabras.
http://disbobylupita.disbo.es

31

Thunders Love

Marca de moda de estilo urbano para home e muller

www.thunderslove.com

14

IN&S Comunicación e innovación sostenible

Consultora de comunicación, innovación e sostenibilidade empresarial

www.innovacion-sostenible.es

32

Mágicos Gagarin

Productos de decoración usando a ilustración e a escultura en cerámica
www.facebook.com/magicosgagarin

15

ART´SPACIO DESIGN S.L.

Inmobiliaria con servizo de “home staging”
www.art-spacio.es

33

Comunidad SEM

Marketing online
www.comunidadsem.com

16

El mono con sombrero

Wedding Planner. Organización integral e artículos para eventos
www.elmonoconsombrero.com

34

KUZUNGUKA APP DEVELOPERS, SL

Solucións tecnolóxicas empregando os dispositivos beacon
www.kuzunguka.com

17

Converfit (Citious Team, S.L.)

Plataforma de Marketing Cloud para incrementar a tasa de conversión dos negocios online.
www.converfit.com

35

iEscola C.B.

Formación en el ámbito de las nuevas tecnologías a centros educativos.
www.iescola.es

18

Fun Forest

Inglés divertido para nenos e nenas
www.funforest.es

36

Miudiño Sociedade Cooperativa Galega

Brinquedos tradicionais
www.miudiño.com

VieJul29

A organización seleccionou aos participantes entre 115 solicitudes superando as candidaturas recibidas na edición anterior. En setembro seleccionaranse outras 10 empresas que terán a oportunidade de presentar a súa idea de negocio ante 5 grandes marcas e entidades galegas no PUNTAZO EXPRÉS.

 

O PONT-UP STORE chegará en outono a Pontevedra por terceiro ano consecutivo, para consolidarse como evento de referencia do novo emprendemento en Galicia. Despois dun duro proceso de selección, no que se partía dun total de 115 solicitudes de participación recibidas (87 para a modalidade de stand e 28 para actividades de dinamización) escolléronse os 36 proxectos de emprendemento mellor cualificados para ter presenza na carpa que se instalará os días 23 e 24 de setembro na Praza de España de Pontevedra.En canto á procedencia das candidaturas, cerca dun 70% teñen base en Galicia, menos dun terzo na cidade de Pontevedra, e hai algunha presenza puntual de candidatos de Braga (Portugal), Madrid e Xixón.

Todos os proxectos escollidos son novos emprendementos con menos de 3,5 anos (42 meses) dende a creación da empresa. Participar é de balde, pero os emprendedores seleccionados tiveron que superar un proceso de selección no que se aplicaron criterios de valoración sobre o grao de creatividade, innovación, potencial de crecemento e impacto económico e/ou social, que garantan a diversidade de participantes en canto produtos/servizos, sector de actividade, forma xurídica da empresa e procedencia xeográfica dos proxectos presentados.

Destes 36 emprendedores, 33 contarán cun stand gratuíto para mostrar os seus productos, ideas e servizos, e 14 terán tamén a oportunidade de participar no programa de actividades de dinamización desenvolvendo propostas tan interesantes como obradoiros para pequenos emprendedores, para facer unha tenda online nunha hora sen coñecementos previos, para adestrar a nosa boa sorte, para aprender a elaborar cervexa, para introducirse na arqueoloxía ou para facer ‘kimchi’. Tamén sesións prácticas de pedagoxía Montessori; montaxe dun coche en equipo; demostracións de robótica; unha gimkana de probas mediante a APP DOGOPLAY, a presentación da revista infantil ALEHOP, contacontos, presentación de discos e ata un programa de radio en directo.

Pedro Figueroa, director Pont-Up Store, destaca “o éxito de convocatoria desta edición na que se conseguiu superar as candidaturas do ano pasado, e houbo que facer un esforzo para combinar as distintas modalidades de participación e dar o máximo número de oportunidades aos emprendedores”. Tamén sinala a “variedade das propostas emprendedoras, cunha ampla presenza de empresas de base tecnolóxica“. Por último, Figueroa afirma que “o futuro de Pontevedra é que se instalen aquí emprendedores e que se convirta nunha cidade innovadora”.

 

Puntazo Exprés

Nesta edición preséntase como unha das grandes novidades unha terceira modalidade de participación que levará por nome PUNTAZO EXPRéS e que nace a partir da experiencia do programa PONTEVEDRA TEN UN PUNTAZO, da Concellería de Promoción da Cidade, encabezada por Anabel Gulías. Esta modalidade abrirá o seu prazo de candidaturas entre o 1 e o 15 de setembro e ofrecerá a 10 novos emprendementos a oportunidade de presentar a súa idea de negocio ante cinco importantes entidades e grandes empresas galegas de diferentes sectores.

 

Xornada Previa e Programa Paralelo

O Pont-Up Store concentará este ano a actividade en tres días: unha xornada previa o xoves 22; e o espazo emprendedor instalado baixo a carpa da Praza de España o venres 23 e o sábado 24 de setembro. Nesta edición o Pont-Up Store chega cargado de actividades complementarias que suporán un forte atractivo para participantes e visitantes e que contemplará aspectos relacionados co cooperativismo e a economía social nas que destaca unha sesión de Coaching Executivo para persoas emprendedoras en encomia social. As tendencias do ecosistema emprendedor estarán presentes durante todo o encontro a través de sesións de networking gamificado, charlas, obradoiros, unha maratón creativa e un fab lab de impresión 3D e Gravado Láser onde se xuntarán makers de todo o país.

 

ABANCA será a responsable do obradoiro ‘Preparados para o investimento: O que debes saber de finanzas para montar a túa empresa’, que impartirá a coordinadora adxunta de Educación superior de AFUNDACIÓN. AJE, pola súa parte, propón a charla ‘Que a túa empresa brille con luz propia’ na que intervirá Modesto Luis Gómez y Rodríguez, formador de marketing e estratexia do INCYDE. A Cámara de Comercio de Santiago de Compostela súmase á programación coa presentación ERASMUS PARA NOVOS EMPRENDEMENTOS: Programa de Mobilidade e intercambio de coñecementos con empresarios exeperimentados en Europa, a cargo da experta en programas europeos Belén Mendoza. E a Deputación de Pontevedra, a través do seu asesor TIC, Alberto Falcón, encargarase de impartir o obradoiro ‘Coñece a rede SMARTPEME e comeza a comercializar os teus servizos a través das redes sociais’. O programa complétase cun encontro de emprendemento no ámbito musical e sesións de networking entre os emprendedores de todas as edicións. Ademais, a organización quere ofrecer aos participantes un binomio negocio + ocio con actuacións musicais programadas para a noite do venres 23. O sábado 24 ás 20:30 terá lugar o acto de clausura no que se entregarán os premios aos mellores proxectos de emprendemento.

Página 5 de 5
Volver