Prensa

MarXul24

Os participantes seleccionados para a 5ª edición confirman o excelente momento do emprendemento galego

A organización seleccionou 45 emprendementos entre un total de 144 candidaturas procedentes de toda Galicia, o que supón un 10% máis que na anterior edición. Este ano, ademais, duplicouse o número de empendementos do ámbito tecnolóxico e incrementouse notablemente a calidade das iniciativas, o seu potencial de desenvolvemento, o carácter social e o enfoque sostible de moitas delas. Esta edición confirma tamén un mapa galego de emprendemento cada vez máis equilibrado entre as ciudades e o rural, que achega o 40% do total das propostas. As novas tecnoloxías volven achegar as propostas máis impactantes, seguidas por ideas moi innovadoras procedentes dos sectores da saúde e o benestar, o turismo, o téxtil, a gastronomía, a cosmética e a xestión cultural. 

PONT-UP STORE chegará en outono a Pontevedra por quinto ano consecutivo, consolidado xa como o maior encontro do novo emprendemento en GaliciaDespois dun intenso proceso de selección, no que se partía dun total de 144 solicitudes de participación recibidas, escolléronse os 45 emprendementos mellor cualificados para ter presenza no programa. Destas 45 empresas, 37 contarán cun stand gratuíto para mostrar os seus productos, ideas e servizos, e 6 terán tamén a oportunidade de participar no programa de actividades demostrativas, desenvolvendo propostas tan interesantes como un obradoiro de preparación de alimentos con impresión 3D, un taller de lectura con cans, un  obradoiro de robótica para aprender a montar un Stick Arcade basado en Raspberry PI, torneos de videoxogos, técnicas de pigmentación prehistórica, un showcooking de receitas saudables, ou a presentación da nova cooperativa Músicas ao Vivo.

 Por último, 10 emprendementos participarán no Puntazo Exprés, onde terán a oportunidade deexplicar en 5 minutos o seu emprendemento a 5 importantes executivas de grandes empresas e entidades galegas: África González, directora do Centro de Investigacións Biomédicas (CINBIO) da UVigo, presidenta da Sociedade Española de Inmunoloxía e promotora da empresa spin-off NanoInmunoTech (NIT) con sedes en Vigo, Zaragoza e Madrid; Nuria Varela-Portas, xerente e fundadora da empresa de agroalimentación ecolóxica, Pazo de Vilane; María Caldeiro, xerente de FUNDAMAR; Lucía Gregorio, adxunta a dirección de REDEGAL, empresa punteira en e-commerce e apps para IOS, Android e Windows Phone; e Teresa Fernández-Valdés, executiva de Bambú producciones, considerada unha das mulleres máis poderosas da televisión. Este ano, como novidade, as presentacións de PUNTAZO EXPRÉS serán abertas ao público e haberá tempo para a réplica por parte das escoitantes.

O director do Pont-Up Store, Pedro Figueroa, explica que “nesta edición constatouse un importante incremento na calidade dos emprendementos que presentaron candidatura, tanto no seu carácter innovador como no potencial de desenvolvemento”. En canto á procedencia das candidaturas, Figueroa afirma que “o Pont-Up Store consolídase como o referente do novo emprendemento en Galicia con máis dun 40% das candidaturas procedentes de fóra das sete grandes cidades galegas, o que é indicativo da boa saúde das dinámicas emprendedoras nas vilas e no rural galego”. O director do Pont-Up tamén destacou que os sectores dos que proceden os emprendementos máis destacados son as novas tecnoloxías e as enxeñarías con apostas moi valentes e innovadoras tamén nos ámbitos da saúde, as mascotas, o turismo, o téxtil, a cosmética e a xestión cultural. Pedro Figueroa lamentou non poder acoller a máis emprendementos e explicou que “tras unha selección que procura o maior equilibrio posible entre os diferentes sectores e actividades, houbo proxectos de gran calidade que non puideron ser seleccionados finalmente debido ao límite de prazas dispoñibles”.

Todos os proxectos escollidos son novos emprendementos con menos de 3,5 anos (42 meses) dende a creación da empresa. Participar é de balde, pero os emprendedores seleccionados tiveron que superar un proceso de selección no que se aplicaron criterios de valoración sobre o grao de creatividade, innovación, potencial de crecemento e impacto económico e/ou social, que garantan a diversidade de participantes en canto produtos/servizos, sector de actividade, forma xurídica da empresa e procedencia xeográfica dos proxectos presentados.

Entre os escollidos hai empresas como EXGA3D, que deseña alimentos personalizados usando a impresión 3D e revalorizando o descarte de alimentos. É reveladora a cantidade de negocios relacionados coas nosas mascotas como YARACAN, que facilita terapias con animais;  ALIADOGS, unha plataforma online colaborativa de servizos caninos; ou BICHOH! Que fabrica complementos artesáns para cans. O sector dos videoxogos concentra nada menos que 4 interesantes propostas: GAMING TROOP, unha asociacion de xogadores con local  propio; THE CLOUD GAMING, que xurde para impulsar e profesionalizar os eSports en España; SPA-CC traballan xerando entornos virtuais e ALOBRE 3D, experta en xerar modelos 3d orientados a impresión. Dentro do ámbito tecnolóxico destacan tamén XTONEBOX, que desenvolve equipos de audio de alta calidade baseándose na antiga tecnoloxía a válvulas;  e TALLER 7 MAKER, onde fabrican prototipos con tecnoloxía 3D. Ademais, Pont-Up Store reserva sempre parte do seu espazo a iniciativas empresariais que operan dentro da economía social ou que basean o seu modelo de negocio no retorno á comunidade. Nesta edición, contaremos coa cooperativa MÚSICAS AO VIVO e con varias propostas nas que destaca a compoñente social como PERIFÉRICAS, escolas de feminismos alternativos; MULLERES ATLÁNTICAS, unha comunidade de emprendedoras galegas e do norte de Portugal; ou MY LITTLE PIURA deseños sostibles con alma solidaria, que contribúe cos seus deseños a financiar proxectos da ONG Canat en Perú.

Relación definitiva de participantes no Pont-Up Store 2018

Inicia sesión para enviar comentarios

DOSSIER DE
EMPRENDEDORES

2018


Versión pdf

 


MEMORIA
PONT-UP STORE

2017


Versión pdf







Go to top