O Pont-Up Store é unha iniciativa aberta a toda a cidadanía cuxo obxectivo é o apoio ao emprendemento e o incremento da cultura emprendedora na sociedade.

• Naceu no ano 2014 no marco da 4ª Conferencia Ibérica do Emprendemento celebrada na cidade de Pontevedra e dende esa primeira edición contou co impulso e o apoio do Concello de Pontevedra, Universidade de Vigo, Xunta de Galicia, Deputación de Pontevedra, Zona Franca de Vigo e Abanca entre outros.
• Pont-Up Store estableceuse como unha decidida aposta pola creatividade, a innovación e o novo emprendemento (empresas creadas nos últimos 4 anos) para o desenvolvemento persoal e da sociedade en xeral.
• Trátase dun evento multisectorial con emprendementos creados nos últimos 4 anos que proveñen dun gran abano de sectores de actividade procedentes tanto do ámbito urbano coma do rural. Estes proxectos teñen unha gran calidade contrastada derivada dun rigoroso proceso de selección das numerosas candidaturas recibidas cada edición.

Porque é o único evento galego onde se reúnen emprendedores, profesionais, estudantes, inversores, institucións, empresas, patrocinadores e medios de comunicación para apoiar a innovación, a colaboración, a formación, o financiamento e o emprendemento creativo.

Porque é unha experiencia única e transformadora na que se van a dar cita miles de persoas en torno á creatividade, o emprendemento e as súas tendencias. Poderás participar nun extenso programa de charlas, mesas redondas, obradoiros, networkings e demostracións, con poñentes de primeiro nivel. Un encontro onde ti serás o protagonista.