Bea e Cristina, de Anaquiños de Papel, contestaron a unhas preguntiñas para profundizar un pouco máis no seu proxecto e en todo o que o fai tan especial. Queredes coñecelas?
En primeiro lugar, como definiriades Anaquiños de Papel?
Anaquiños de Papel é un estudio de creatividade e deseño en papel. O noso obxetivo e er máis alá de dobrar un anaco de papel, darlle un toque único, personalizado e funcional, capaz de sorprender ou transformar un espazo cos nosos deseños.
É difícil facerse unha idea do que facemos só con palabras, así que sempre recomendamos entrar nas nosas redes sociais, blog… para entender mellor todo o que podemos chegar a crear a partir de anacos de papel, ideas e imaxinación.
Como xorde o proxecto?
Anaquiños xorde a partir dun blog creado por Bea, arquitecta, onde ela plasmaba as suas ideas e deseños buscando darlle unha nova visión e aplicacións a papiroflexia e traballo en papel. Logo, Cristina (avogada) empeza a facer flores e tarxetas pop up e pouco a pouco Anaquiños comeza a crecer en repercusión, encargos, traballos, publicacións (revistas como Vogue, AD, Telva, Huffington Post,… fan reseñas dos nosos traballos). Actualmente atopar traballo do que estudiamos está moi difícil, así que toca reinventarse, as dúas nos encanta o que facemos e creemos que temos que dar unha oportunidade a Anaquiños de Papel porque o que comenzou como un hobbi estase empezando a consolidar como un futuro laboral.
Que poderiades contarnos dos vosos produtos? Que é o que os fai únicos? Cal é o voso favorito/produto máis especial?
Todos os nosos deseños e productos xorden dunha idea inicial, deixamos voar a nosa imaxinación e creatividade, buscamos os materiais máis axeitados e os elabramos a mán un a un para chegar o resultado final. Ninguna peza é exactamente igual que outra e moitas delas son presonalizadas ou pensadas para un evento ou momento único. Non só e un proceso artesanal de fabricación e traballo do papel, e moito máis. Son ideas, deseño, aprencizaxe, personalización…o que da como resultado as nosas creacións.
AS PARTICULARIDADES DOS PRODUTOS DE ANAQUIÑOS DE PAPEL
Temos cariño a moitos dos nosos produtos, todos significan algo para nós e moitos deles comezan a partir dunha idea dos nosos clientes.
As flores, ramos de noiva, decoracións para espazos-eventos…son os que actualmente máis demanda temos e facemos dende os comezos (e notamos tamén moita evolución) por outro lado estamos moi orgullosas da nosa primeira colección de lámparas “Luces del Norte” deseñada por nós e que se inspira nos tipos de luz de Galicia.
Os dúas opinamos que o mellor momento é cando entregamos un traballo e vemos a cara de satisfacción da gente que confiou en nós, cando nos escriben e din que lles encanta o noso traballo,… que valoren o que facemos é moi importante.
Anaquiños de papel é a historia de emprendimiento de dúas irmás. Que nos poderiades contar do proceso de emprender en familia? Cal consideras que é a mellor e a a peor parte do proceso de emprender e comezar coa difusión de novos produtos?
A día de hoxe emprender non é nada fácil. Moitos medos, inseguridades, poucas axudas…pero no noso caso, facelo en familia implicou un empuxe importante polas aportacións e coñecementos de cada unha. Somos moi distintas e cada unha ten moito que aportar a outra e eso axuda a Anaquiños. Está claro que hai momentos mellores e peores, pero ter a alguén que te axude e entende o que fas sempre aporta. Ademáis a nosa familia sempre nos apoiou en todo e ese respaldo tamén é de agradecer.
A difusión dun novo produto implica moito traballo previo. Fai un tempo quizáis nos lanzábamos máis á aventura ou non tiñamos en conta moitos aspectos (cosas que fomos aprendendo co tempo), agora buscamos afrontalo dende varias perspectivas (proceso creación, marketing-difusión, parte comercial, rentabilidad e economía…) para tratar de asegurar que o traballo que queremos levar a cabo ten o resultado que buscamos.
Anaquiños segue crecendo, nós seguimos aprendendo en cada paso e sabemos que hai que moverse moito e evolucionar para poder traballar do que nos gusta.
O voso proxecto nace dun blog. Que poderiades contarnos do proceso de vender online?
O blog foi o comezo para dar a coñecer a nosa marca e é a día de hoxe o noso escaparate xunto coas redes sociais. Non dispoñemos de tenda física así que usamos estes medios para que a xente poda coñocer o noso traballo e é maneira principal pola que contactan con nós. Outra plataforma que empregamos é etsy e PretAPop. Os nosos produtos viaxan os seus destinos a toda España e, nalgún caso, o extranxeiro.
A VENTA ONLINE
Vender online implica un contato cos clientes a través de mails e redes para contarlles e ensinarlles o proceso de elaboración e resultado final. Gústanos que a xente participe, dentro do posible, da elaboración do seu encargo. Outra cousa a ter en conta da venda online e que, ademáis de facer e rematar os produtos, hai que pensar no seu envío, a mellor maneira de prepalalos e contar co tempo para que o cliente o reciba, algo que moitas veces o cliente pasa por alto e é parte do proceso e non se pode esquecer.
Utilizades as redes sociais? De ser así, que aportan ao proxecto?
As redes sociais, xunto co blog e páxina web, son o noso escaparate e a nosa forma de contacto cos nosos clientes. Son a nosa maneira de explicar visualmente todo o que podemos facer con exeplos e traballos de encargos reais. Os nosos produtos están dirixidos a un público moi amplo que non se limita a área local, senón que calquera (España ou fora) pode contactar con nós e encargar Anaquiños para o que precise e estes medios permíntennos chegar a toda esa xente.
Como coñestedes o Pont Up Store? Cales foron as razóns que vos levaron a presentar unha candidatura ao evento?
Coñecemos a Pont Up Store a partir doutros compañeiros e amigos que participaron en otras edicións, e todos nos dicían o mesmo: tedes que participar! Gustounos a idea porque ademáis de ser unha moi boa oportunidade para que a xente os coñeza máis (tamén pola zona de Pontevedra), eles nos insistiron na boa organización, no bo ambiente entre compañeiros e a xente que coñeces, a repercusión que hai do evento…así que tratamos de cadrar datas para este ano non perdernos a oprtunidade de vivilo!
Que esperades obter do evento?
Vivir a experiencia do Pont Up, un evento que, polo que nos contan, consegue vincular e movilizar a xente participante da edición ca xente da cidade de Pontevedra e eso encántanos. Tamén valoramos o poder coñecer ao resto de participantes (como plataforma de networking que se xenera neste tipo de eventos) e darnos a coñecer ao resto de compañeiros e empresas vinculadas para poder crear colaboracións ou sinerxias.
Xa para terminar. Que consello lles darías a todos eses novos emprendedores que coma vos están comezando o proceso ou se están decidindo a emprender?
Para nós toda esta aventura comezou coma un hobbi. Paso a paso foi crecendo pero facíamos e aprendíamos as cousas a trompicones según chegaban. Agora temos unha base, fixemos cursos sobre emprendemento, participamos no Youth Business (gracias a Fundación Ronsel da Coruña) e tivemos e temos a axuda dunha mentora que nos axuda en moitas dúbidas deste proceso… E agora dámonos conta que empezamos a casa polo tellado. Ter unha base é importante, emprender non só e ter unha boa idea, empreder e ter en conta moitos máis aspectos que axudan a enteder ou comprender se a túa idea inicial ou negocio é viable: parte económica, xestión do tempo, organización, imaxe, contacto e trato con clientes… moitos aspectos que son necesarios neste proceso que é “emprender”.
Sexa como sexa o camiño, sempre hai que aprender de todo e todos os que se cruzan en eel, estar ao día, moverse e tratar sempre de superarse tanto nos malos como nos bos momentos.
Se queredes saber máis
Facebook de Anaquiños de Papel
Instagram de Anaquiños de Papel
Atentos ás redes sociais! Nos próximos días máis novidades!
Leave a Reply
Want to join the discussion?Feel free to contribute!