Aida Alonso

Que é Aida Alonso?
Aida Alonso é a marca coa que comparto nome, corazón e corpo. Aida Alonso é/son ilustración: personalizada, proxectos propios e producto ilustrado. Entendendo a ilustración como un espazo de xogo sen normas, no que todo o que imaxines pode ser posible, e no que a lóxica e a realidade xa non son unha regra a seguir. Buscando a poética misteriosa do que non se ve, o que non se pode completar con palabras, o que non se chega a comprender.

E quen é Aida Alonso? Quen está detrás deste proxecto?
Estou eu, siamesa da miña marca. Amante das cores e texturas dos papeis, da forza da natureza e do feito a man con corazón.

Cóntanos máis sobre os teus productos. Que é o que os fai especiais?
A ilustración é a protagonista nos meus productos. Cunha mirada e unha voz diferente, xogo con metáforas visuais, tinta e tesoiras, contaxiando a miña paixón polo papel. Busco crear obxectos presentes na nosa vida cotidiana, que nos iluminen e nos nutran.

Cómo realizas o proceso de diseño e creación dos teus productos?
Todo xurde a partir de ideas, historias, sensacións, que se descobren en forma de imaxes e metáforas visuais. Ás veces nace primeiro a ilustración e, outras, nace unha idea de producto que precisa dunha ilustración para completarse. Actualmente “debuxo con tesoiras”, aínda que moitos dos meus proxectos están realizados en acuarela ou tinta, dependendo das necesidades do proxecto. A maior parte do proceso é manual, cun compromiso pola sostenibilidade. Encárgome de toda a producción, externalizando só a parte que ten que ver coa impresión, sobre papel ou vinilo, a encuadernación ou o enmarcado.

Vemos que os teus productos se venden on-line. Como foi para ti este proceso de emprendemento dixital?
Unha oportunidade de abrir xanelas o mundo, un escaparate máis amplio para os meus productos. Aínda que confeso que, no meu caso, é máis exitosa a venta directa.

Como nace o teu proxecto?
En todos os anos que levo traballando como ilustradora, ademáis de realizar proxectos de ilustración, tanto para empresas como para particulares, fun desarrollando e producindo diferentes productos ilustrados. “Prantando sementes” é a miña última colleita. Levo meses abonando e regando, pero varios anos traballando a terra ata que saíron os primeiros brotes. Partindo de caixas de madeira de viños xa usadas, mimando o material cun compromiso por una creación sostible, sustitúo a súa tapa por una pantalla ilustrada, convertindo un obxecto olvidado nunha cálida caixa de luz que, ó acenderse, nos descubre unha ilustración. Este proxecto vai ver “a luz” no Pont-Up Store, por primeira vez. Por qué decides emprender? Non houbo un momento concreto no que decidise emprender, pero sí que no ámbito do producto ilustrado, interesoume aplicar as miñas ilustracións sobre outros soportes ou realizalas especialmente para a creación de productos. Coa idea de ter total independencia, controlando todas as fases do proceso, tanto conceptual como a nivel técnico.

En que punto se atopa agora o teu emprendemento?
O meu último proxecto o presento no Pont-Up có fin de valorar a súa acollida e seguir mellorando diferentes aspectos do seu deseño. Cales son para ti os próximos pasos a seguir? O que máis me preocupa é mellorar o sistema de producción para que sexa sostible e co menor impacto medio-ambiental posible. Tamén me gustaría mellorar o empaquetado e o modo de presentar o producto. Por último, a búsqueda de puntos de venta.

Como coñeces o Pont-Up Store?
Coñezo Pont-Up polas redes, e porque algunas compañeiras emprendedoras participaron na edición anterior. Que esperar obter do teu paso polo evento? É una oportunidade de poder mostrar o meu traballo, interactuando co público e outros profesionais, e así recibir opinións, suxerencias de mellora, etc. Tamén é una forma de poder valorar a aceptación do meu producto e as súas posibilidades de éxito, sobre todo no caso do proxecto que quero presentar por primeira vez.

Para rematar, que poderemos atopar no stand de Aida Alonso no Pont-Up?
Ilustración e producto ilustrado con outra mirada, cunha voz diferente, apasionada polo papel. Presentación por primeira vez de “Prantando sementes”, caixas de luz ilustradas.